GalicianTunes: Artista

GALEGO
ESPAÑOL
ENGLISH

Amesmalúa

Amesmalúa é unha banda de músicos de distintas orixes que propón unha viaxe de encontros, unha maridaxe de memoria e paixón entre o flamenco e a canción popular galega, unha aposta polas músicas improvisadas con raíces no folclore. Amesmalúa ten temas propios, e tamén coplas populares, cantigas e adaptacións, sempre coa súa pegada e o seu carácter aberto, mestizo e creador. Voces acompañadas polo inconfundible son dunha excepcional guitarra flamenca e uns ventos prodixiosos, sempre con espazos para a improvisación entre acentos flamencos, jazzísticos e percusión étnica. A un paso da picaresca e a outro da melancolía, entre o xesto cómplice e festivo e o misterio de fábulas e lendas.

En 2013, o grupo autoproduciu o seu disco "La misma Luna", editado vía crowfunding e distribuído pola compañía 18 Chulos Records. Con este primeiro disco, déronse a coñecer en España en multitude de teatros e festivais: Teatro Colón na Coruña, Womad en Cáceres, Ritmos Étnicos de Radio 3, Sala Berlanga en Madrid, Festival Estivalia en Extremadura, Teatro Corral de Comedias en Alcalá de Henares, Festival Sons Tránsitos, Teatro Principal en Santiago de Compostela... Pero tamén no estranxeiro, destacando a súa participación no festival Womad de Charlton Park en Inglaterra, e o seu concerto no Argel grazas á Embaixada e ao Instituto Cervantes en abril do 2014.