• GALEGO
  • ESPAÑOL
  • ENGLISH
     
Ángeles Dorrio

Angeles Dorrio é unha vocalista galega cunha longa experiencia en formacións de jazz e soul, que participou en traballos discográficos de diversos artistas (Luar na Lubre, Carmen Rey, Mc Rimas, etc.). Estudou técnica de voz ("voice craft") con Helen Rowson e Paul Harrington, así como harmonía, improvisación e canto moderno na Escola-Estudio (Santiago de Compostela). Viaxou ata Londres para completar a súa formación na Guildhall School of Music and Drama.

Dorrio é a voz solista feminina do grupo de acid-jazz Venueconnection, co cal ten percorrido as principais salas de concertos da xeografía española, chegando a presentar o seu terceiro disco nos Conciertos de Radio 3 (TVE 2).

Tamén forma parte do trío Gospel 3 e do cuarteto vocal Ejazz, ademais de coordinar o coro feminino Sisters In The House.

Simultaneamente, exerce como profesora de canto moderno na Coruña: na Escuela de Danza Soul (dende o 2003) e na Escuela de Músicos (2005-2011), e é colaboradora en RadioVoz Coruña.

Novo proxecto: CD "Ten Soul" (decembro 2013).

Angeles Dorrio lanza o seu álbum debut despois dunha longa carreira profesional no mundo da música como cantante e profesora vocal. "Ten Soul" reúne os diferentes estilos musicais que influíron a esta compositora ao longo dos anos: o jazz, o soul, o R&B, o pop e o folk. Cunha voz profunda e única, Dorrio acompáñase de grandes músicos para realizar esta aventura, entre os que se atopa o cubano Sergio Delgado, como arranxador, pianista e director musical.

Contratación

Dezdedez
Tomás Legido
(+34) 677 428 150 - (+34) 981 140 045
dezdedez@gmail.com

Discografía

Ten Soul

ANGELES DORRIO

2013, Autoeditado

Vídeos

Fall song

ÁNGELES DORRÍO

Presentación

ANGELES DORRIO

Tal vez tamén che gusten