Contrabaixista, compositor e productor. Pablo Vidal ten participado en grupos de diferentes escenas musicais, dende o rock ao jazz pasando pola música infantil, labor que compaxina coa produción.En 2014 crea Pablo Vidal Trío xunto con Gabriel Peso (piano) e Noli Torres (batería). A música do grupo reflicte o eclecticismo compositivo de Pablo Vidal misturado coa boa enerxía e saber facer dos seus compañeiros, fusionando jazz con sons tradicionais, rock sinfónico, músicas do mundo ou latin jazz creando un son característico e recoñecible; auténtico jazz contemporáneo galego.Contan con dous traballos discográficos:- “Jazz pagano” (aldeaglobal, 2015): un percorrido imaxinario polo atlántico a través de oito temas que seguen un fío condutor, o mar, con Uxía como artista convidada en “O canto” e “Alalá das sereas”.- “Orixe” (2018) con Pablo Vidal Group: a Terra como fonte de inspiración; unha Terra nai, acolledora, feminina, orixe de todos nós. Con Pablo Vidal (contrabaixo, composicións), Gabriel Peso (piano), Noli Torres (batería), Narci Rodríguez (voz), Sarunas Pupelis (saxo) e Ton Risco (vibráfono).Como produtor destacan: “Nowhere” (2017) de Clara Pino & Pablo Vidal; “Chapeu” (2016) de Tatán R.; “Sons de Cine” (2012) de A Doce Vita; “Pitusa Semifusa e os estilos musicais” (Ed. Galaxia, 2017) de Olga Brañas (2017) e “Proxecto Sapoconcho”, aínda sen publicar.
Contratación
aldeaglobal 677 225 356 aldeaglobalproducions@gmail.com
Discografía
Vídeos
Candela
PABLO VIDAL GROUP
Sambando
PABLO VIDAL GROUP
Tsunami
PABLO VIDAL TRÍO
