Carmen Penim estudou canto lírico e jazz en Italia, onde fundou o dúo 2naFronteira (2008) xunto co pianista italiano Maurizio Polsinelli. Con este dúo, Carmen publicou catro referencias nas que a lingua e a cultura galega son protagonistas desde un enfoque musical ecléctico.As composicións de Carmen caracterízanse por unha gran sensibilidade e empatía para contar historias heroicas e simples das xentes do pobo galego. Nas súas cancións pódese ouvir de forma clara a voz colectiva do Couto Mixto, nomeadamente das súas mulleres. En canto á interpretación ao vivo, o público e os críticos resaltan a súa dozura na comunicación co público, a forza expresiva e unha das mellores voces actuais, con grande variedade de rexistros e cores e cunha forte emotividade.En 2017 publica o seu primeiro traballo en solitario, “Herdeiras”, no que coordina a máis de 25 persoas, entre músicas, ensaístas, poetas... Muller, identidade e memoria son o centro deste traballo, que inclúe tamén unha curtametraxe de Margarita Ledo. Pretende con este proxecto visibilizar ás mulleres heroínas do 36, e asemade o traballo das creadoras e músicas actuais. Musicalmente, “Herdeiras” encádrase no jazz e a improvisación vocal, con elementos interpretativos teatrais e arranxos usados para os arcos. No escenario conta coa coreografía e danza de Xiana Vilas.A maiores, Carmen traballa pola recuperación do harmonio de igrexa para uso concertístico a través do proxecto “A voz da pedra”.
Contratación
Mércores comunicaciónMercedes Cernadas 628 179 013 comunicacion@mercores.com
Discografía
Vídeos
Canto de seitura
CARMEN PENIM
Vertical
CARMEN PENIM
Así soa Herdeiras
CARMEN PENIM
