Montedapena é o proxecto artístico máis persoal de Héctor Rodríguez, quen tamén é membro de Lontreira. Unha proposta musical que non entende de etiquetas, pois vai moito máis alá; nela conflúen desde os sons pop das últimas décadas á música electrónica.E é que o cantante e produtor moañés atrévese con todo, pois Montedapena nace e crece desde a experimentación, sen limitarse a nada. É así como se desenvolveron os dez temas que formarán parte do seu próximo disco, “Montedapena”, que verá a luz a comezos do próximo 2025.Montedapena convida a sumarse ao movemento con ritmos bailables e letras traballadas, capaces de reflexar o sentir de toda unha xeración e cas que o público conecta e se identifica desde a primeira estrofa. Un debut prometedor que contará con cancións interpretadas en galego, castelán e catalán, algo que serve para exemplificar o que abarca o artista; un lugar seguro para quen buscan pertencer.
Contratación
Ernie RecordsJosiño Carballo info@ernierecords.com
Vídeos
Voltei Caer na Merda
MONTEDAPENA
