GalicianTunes: Artista

GALEGO
ESPAÑOL
ENGLISH

Paula Ríos

Descrita como unha intérprete de forte personalidade, refinada técnica e orixinalidade nas súas propostas, Paula Ríos actúa en España, Reino Unido, Francia, Suíza, Alemaña, Portugal e Arxentina, e grava para RNE, TVE, Radio Suisse Romande, TVG, IB3 e RG.

Vén de publicar o CD "When in silence of the soul" (Eudora Records) dedicado a Fanny Mendelssohn incluíndo primeiras gravacións e a Ostersonate, que estrenou en España e Portugal baixo a súa correcta autoría.

O seu CD «Cantar con los dedos», dedicado a Chopin e outros virtuosos do seu círculo, levouna a París, Londres e Madrid. Paula presentou o seu primeiro CD «Chopin en Mallorca» (Museo Chopin Valldemossa) na Chopin Society de Londres co piano do compositor.

Amais, Paula investiga o nacionalismo e as vangardas en España. É convidada a dar conferencias e leva a cabo proxectos con danza. O CD «Viento de Plata» recupera a obra de Jesús Bal y Gay e Rosa García Ascot, compositores da Xeración do 27.

Paula Ríos obtén Premio Extraordinario Fin de Carreira no CSM de Vigo con Constantino Pérez, e continúa a súa formación na Musik-Akademie der Stadt Basel (Suíza) con László Gyimesi e Rudolf Buchbinder, onde recibe o Diploma de Concerto e completa os estudos de Solista. Complementa a súa formación con Claudio Martínez-Mehner e participa en clases maxistrais de Elisabeth Leonskaja, Alicia de Larrocha e Piotr Anderszewski, entre outros. Obtén premios e bolsas da Schweizerische Interpretenstiftung, Lyra Stiftung, Fundación Gil Dávila, Caixanova e Fundación Pedro Barrié de la Maza.