aCadaCanto é o proxecto que deu en xuntar a catro grandes da música galega (Guadi Galego, Xabier Díaz, Guillerme Fernández e Xosé Lois Romero) despois de ter coincidido entre eles en varios proxectos. Participaron en Nordestinas, Espido, Berrogüetto, Nova Galega de Danza… Guillerme e Xabier son membros de Berrogüetto, grupo no que anteriormente cantaba Guadi; Xabier contou con Xosé Lois e con Guillerme no seu "Músicas de Salitre"; Guadi e Guillerme son Espido, e Xabier e Guillerme publicaron xuntos "Arrolos de Salitre". En aCadaCanto conflúen todos os traballos anteriores no seu primeiro proxecto común. Xuntos editaron dous traballos. O primeiro deles, "aCadaCanto", está composto por trece temas nos que atopamos algúns de autoría propia, outros de corte tradicional e de literatura de autor: Xosé María Álvarez Blázquez, Carlos Rivero Troncoso, Victor Ramil e unha versión dun tema de Santiago Auserón. Poesía sen artificios.O segundo, "A Rosa d'Adina", contén seis poemas musicados de Rosalía de Castro e xorde precisamente coma homenaxe no 150 aniversario da publicación de "Cantares Gallegos". A humilde empresa de aCadaCanto, como músicos de hoxe, é perpetuar a palabra de Rosalía precisamente onde reside a lírica popular, na memoria colectiva. Esa que sabe e, ás veces, non sabe de quen sabe.
Contratación
Músicas de Salitre, S.C.Rosa Salgado (+34) 639 350 879 acadacanto@musicasdesalitre.com
Discografía
Vídeos
Este meu camiño
ACADACANTO
Coplas de estrelas
ACADACANTO
Lúa
ACADACANTO
Dende a Limia
ACADACANTO
Aló
ACADACANTO
Teu nome por mar e terra
ACADACANTO
