Lula Mora nace en decembro de 2022 en Santa Cruz de Tenerife. A agrupación, liderada por Sara Caride e Silvia Izquierdo, combina música e poesía, creando pontes entre as súas dúas identidades culturais e xeográficas: Galicia e Canarias. As súas letras nútrense de vivencias persoais para falar de encontro, cambio, esperanza e sororidade. Cantan e recitan en galego e castelán, e ás súas voces súmanse os sons da guitarra, o ukelele, o contrabaixo, teclados e sintetizadores. A súa música parte do xénero da canción de autora pero afástase del incorporando sonoridades doutros xéneros como o indie, o rap, o folk ou a música de raíz.“Hogar” (2025) é o título que leva o seu primeiro traballo discográfico, un álbum conceptual cuxas cancións se fían en orde, construíndo unha historia. A súa proposta escénica combina a música con outras disciplinas como performance ou teatro, nun espectáculo de polo menos 80 minutos de duración no que a través da escenografía e o guión atravésanse diversas reflexións ao redor da pertenza, os procesos migratorios e o arraigamento persoal.A súa proposta musical foi presentada en varias salas e festivais, destacando a LXXI Festa do Albariño (Galicia), o festival Fibra Sonora ou o LalaMusic Fest. Colaboraron co artista internacional Muerdo, xunto ao que gravaron a súa single ‘Primavera’ (Puipana Rec). O seu proxecto apareceu en medios de prensa e radio locais e autonómica, como a Radio Televisión Canaria, A Voz de Galicia ou Cadena Ser.
Contratación
Sara Caride Blanco / Silvia Mercedes Izquierdo Rufino 600 83 31 22 - 679 45 77 11 lulamora.duo@gmail.com
Discografía
Vídeos
Primavera - Lula Mora (Videoclip Oficial)
LULA MORA
Voar (Videoclip Oficial)
LULA MORA
