GalicianTunes: Artista

GALEGO
ESPAÑOL
ENGLISH

Marful

Marful naceu no medio do océano Atlántico, inspirado pola música cantada e bailada nos barcos de Galicia. A Música Tradicional estendíase ao redor dos portos de mar por todo o mundo. Letras irónicas compostas por Ugia Pedreira, cantante do grupo. Música que nos recorda o jazz, cabaré europeo, música de club, vintage... Acordeóns, clarinetes, guitarras, poesía e raíces.

Co seu primeiro álbum, “Marful”, rescataban a música dos anos 30 e 40 tanto de Europa coma de América. Co segundo, “Manual de Sedución”, o amor está na orde do día con twist, xotas, mambos, tangos e pasodobres.E agora están a preparar o seu terceiro álbum.

Ugia Pedreira, Marcos Teira, Pedro Pascual e Pablo Pascual son o mellor que lle aconteceu á música galega na última década. Provocaron unha revolución musical no seu país coas súas harmonías, estética e letras. Representaron a Galicia en festivais e acontecementos musicais de todos os tipos (Womex 2007, Celtic Connections, Feira Internacional do Libro da Habana, Casa da Música en Porto). Gañaron o Premio de Audiencia polo seu primeiro álbum, agora presentaron o segundo, gravado en 2010, e traballan en novo material para o seu terceiro.

Marful son Ugia Pedreira (voz), Marcos Teira (guitarra), Pedro Pascual (acordeón diatónico) e Pablo Pascual (clarinetes).

… "combinaremos na linha do horizonte ou naquel mar que nom sae nas cartas, as coissas tam-che muito boas, o caso é ter tempo para amar, na trajetória silenzo quero-te mais"...