Panosedán nace do encontro entre a memoria e a innovación para crear un espazo onde a música de raíz dialoga coas linguaxes de vangarda. O proxecto, que evoca na súa propia denominación a nobreza e a delicadeza dun téxtil antigo, supón o agardado regreso aos escenarios de Pilocha, unha das grandes voces e figuras de referencia da canción galega. A súa traxectoria convive aquí coa solidez e a mestría dun grupo de músicos interxeracionais de ampla experiencia e recoñecido prestixio.A formación está liderada polo magnetismo vocal da propia Pilocha e de Lis Latas, cantante, multiinstrumentista e recoñecido artesán de instrumentos tradicionais. Xunto a eles, a dirección musical de Pablo Gómez integra o piano e o acordeón nunha proposta que fusiona a tradición co deseño sonoro contemporáneo, sostida pola elegancia de Ara Martínez ao contrabaixo, a precisión rítmica de Carlos Vázquez “Maní” na percusión e as texturas melódicas de Xan Durán ao bouzouki e á mandolina.No seu espectáculo Rosas e Cravos, Panosedán honra o legado musical galego-portugués con arranxos tecidos con delicadeza sobre obras de autores de referencia que dialogan de xeito natural con composicións propias do grupo. O resultado é unha proposta sonora singular, atemporal e profundamente evocadora, cunha identidade propia.
Contratación
MÚSICAS AO VIVOJosé Luís Latas Vilanova +34 670 994 914 - +34 676 461 781 panosedan25@gmail.com
Discografía
Vídeos
Cantiga do Neno da Tenda 2
PANOSEÁN
